Биыл Тұран ауданындағы 5 көшеге (жалпы ұзындығы – 2,95 шақырым) ирригация жүйесін салу жоспарланған. Суағар жүйе Құрсай шағынауданындағы Сарғау көшесінде, Қазығұрт шағынауданындағы Ордабасы көшесінде, Самал-1 шағынауданындағы Отарбаев көшесінде, сондай-ақ, орталық Темірлан тасжолы мен Момышұлы көшесінде жүргізіледі.
Ирригация жүйесі жаңбыр және еріген қар суын реттеу арқылы су тасқынының алдын алуға бағытталған. 2024 жылы Тұран ауданында 33 көшеге 13,9 шақырым ирригация жүйесі салынды.
